ഒരു ക്ലോക്കിനുള്ളില് പെട്ട് പോവുകയും
സമയാസമയം കൂവേണ്ടി വരികയും
ചെയ്യേണ്ടി വരുന്ന ഒരു കിളിയാണ്
വെറുമൊരു കിളി
നട്ടുച്ചകളില് ജനലിലേക്ക് നീളുന്ന
ചുവന്ന പൂക്കളില് തട്ടി വീഴുന്ന
വെയിലിനെ കാണുന്നുണ്ട്
പൂക്കാലമാണോ .. വേനലാണൊ
എന്നൊക്കെയോര്ത്ത്
കറുത്ത ചരടില് കോര്ത്തൊരു
കുരിശ് കാറ്റിലാടുന്നുണ്ട്
നിന്റെ വീട്ടിലേക്ക് കടക്കാന്
നീയെനിക്കൊരു കിളിവാതില്
പണിയുക
ചിറകൊതൊക്കി അകത്ത് വരുമ്പൊള്
എളുപ്പമാണ്
അധികമൊന്നും മിണ്ടാതെ
നനഞ്ഞ ചുണ്ടാല് അമര്ത്തിയൊന്ന്
ഉമ്മ വയ്ക്കുക
ആ ഒരൊറ്റ ഉമ്മയില് നിലച്ച് പോണം ശ്വാസം
ഇനിയൊരിക്കലും തിരിച്ച് വരാതെ
അവസാനത്തെ ഓര്മ്മ.നീ
No comments:
Post a Comment