എത്ര നാടു കടത്തിയിട്ടും
തിരികെ വരുന്നൊരു പൂച്ചയാണ് ഓര്മ്മ
പോയ വഴികള് അതിന്റെ പച്ച,
വെയില് , മഴ , തണുപ്പ്, മഞ്ഞ്
എല്ലാമോര്ത്തിരിക്കും
എവിടെയോ പോയി
ഇനി വരില്ല എന്നുറപ്പിക്കുമ്പോള്
വാതിലില് നഖം കൊണ്ടൊരു
കുത്തിവര കേള്ക്കും
അമര്ത്തിയ കരച്ചിലും
എത്ര മുറിച്ചാലും കടക്കാനാവാതെ
തിരികെ വരാന് പറ്റാത്ത
കടല് ദൂരത്തിലൊരു വീടുണ്ടാക്കുക
ഇര പിടിച്ചും ഉറങ്ങിയും
അമര്ത്തിക്കരഞ്ഞും
ഒരൊറ്റ ദ്വീപാവും വരെ
No comments:
Post a Comment