നോക്കൂ എത്ര സാവധാനമാണ്
നിന്നെ വിവര്ത്തനം ചെയ്യുന്നത്
ഓരോ അക്ഷരവും പെറുക്കി പെറുക്കി
പിന്നേയും പിന്നേയും ഒത്ത് നോക്കി
ചിലയിടങ്ങളില് ഉയരുന്ന
യുദ്ധ സംഗീതം
കാൽപ്പെരുമാറ്റങ്ങള്
നിഗൂഡ വാക്കുകള്
എത്ര നീണ്ട വരികളാണ്
കരാർ ലംഘിക്കുന്നത്
കാഞ്ചി വിരലമര്ത്തി നില്ക്കുന്നത്
ചെന്നായ്ക്കളെ കൊന്നൊടുക്കിയ
കഥകള് പറയുന്നത്
ഒരു കൂര്ത്ത വരിയിലെ
വളവ് തിരിയുമ്പൊള്
അമര്ത്തിയ വെടിയൊച്ച
ചിതറിയോട്ടങ്ങള്
അലര്ച്ച ..
ഇനിയും തിരിച്ചറിഞ്ഞിട്ടില്ല
എന്നൊരു ടാഗ് കെട്ടിയ കാല്വിരലുകള്
ഒരേ പോലെ തണുത്ത സ്റ്റീല് മേശയും ഉടലും
അങ്ങനെയാണ് ഒരാള്
ഒരാളുടെ ഒരു വരിയാല്
ഡിലിറ്റ് ആവുന്നത്.
നായാട്ടിന്റെ അടയാളങ്ങള്
ഒന്നുമേ ബാക്കിയില്ലാതെ
അടച്ച മുറികള് പേടിയുള്ള അയാള്
കാല് പാദങ്ങള് മൂടാതെ ഉറങ്ങിരുന്നത്
No comments:
Post a Comment