ഇപ്പോഴൊന്നുമല്ല
ഏറ്റവും ചുരുങ്ങിയത്
പത്ത് കൊല്ലമെങ്കിലും
നിനക്കത്ര പരിചയമൊന്നുമില്ലാത്ത
ഒരു നഗരത്തില് വച്ചാവും
നമ്മളു കാണൂക
അതും ഒരു വാക്കു പോലും
പകരാത്ത കുറെയേറെ
നാളുകള് കഴിഞ്ഞ്
വഴിയരികിലെ കടയില്
രണ്ട് ഹാഫ് കട്ടിങ്ങ് ചായ പറയും നമ്മള്
ഞാനൊരു സിഗരറ്റ് പുകയ്ക്കുകായിരിക്കും
നീ തുറിച്ചു നോക്കുമായിരിക്കും
നിന്നേക്കാള് വലുതായ കണ്ണട അപ്പോഴും കാണും
അതിലേറേ വലിയ പൊട്ടും
കോട്ടണ് സാരിയാവും
കണക്ക് കൂട്ടിയാല് തെറ്റുന്നത്ര പ്രണയമുണ്ടാവും
ഞാന് നരച്ചിട്ടുണ്ടാവും
ഒരു ലക്ഷ്യവുമില്ലാതെ അലയുന്ന
ഒരുത്തന്റെ ഭാവം അപ്പോഴുമുണ്ടാവും
ഒന്നും മിണ്ടാനുണ്ടാവില്ല
എന്നാലും പറയുമെന്തെല്ലാമോ
കുട്ടികള് ഭര്ത്താവ് യാത്രകള് ജോലി
എന്ത് വന്നാലും ഞാന് ചോദിക്കില്ല
സുഖമാണോ എന്ന്
ഇനി സുഖമാണെന്നാങ്ങാന് പറഞ്ഞാലോ
നീയും അത് തന്നെയാവും
അധികം നില്ക്കാതെ നമ്മള് തിടുക്കത്തില് പിരിയും
തിരിഞ്ഞു നോക്കില്ല
പുതുക്കിയ ഫോണ് നമ്പര് വാങ്ങില്ല
എവിടെ എന്ന് ചോദിക്കില്ല
കുട്ടികള്ടെ പേര് ചോദിക്കൂല്ല
കെട്ട്യോന് ന്ത് ചെയ്ന്ന് ന്ന് ചോദിക്കൂല്ല
തിരിഞ്ഞ് നടക്കുമ്പോ മൈരു
ഒന്നുകൂടെ നിന്നെയൊന്ന്
നോക്കാമെന്ന് തോന്നും
നോക്കൂല്ല.
പൊടുന്നനെ വഴി ഒരു വളവാകും
നീ എന്നെയും ഞാന് നിന്നെയും
കാണാതാവും
ഹാഫ് കട്ടിങ്ങ്
No comments:
Post a Comment