ആകാശങ്ങളിലെ മുക്കുവരാകാം
ദൈവദാസനെന്നോ
ഏഞ്ചല് മേരിയെന്നോ
നമ്മുടെ ബോട്ടിനു പേരിടാം
ഒരു മേഘത്തില് നിന്നും
മറ്റൊരു മേഘത്തിരയിലേക്ക്
വിരിക്കാം നമ്മുടെ വല
ഉച്ചകളില് മീന് കറി ചട്ടിയില്
ചോറു മെഴുക്കി വിരലുകള്
കൈമാറിയൂട്ടാം
വെയില് മായുമ്പോള്
ഉമ്മ വച്ച് മടുക്കുമ്പോള്
ഇത്തിരിയുറങ്ങാം
ഒരു വാരാന്ത്യത്തില്
നമുക്കൊരു
പാഴ്സീന് വല നിറച്ചും
നമുക്ക് മഴ കൊണ്ട് വരാം
No comments:
Post a Comment