അടുത്തേക്ക് വന്നാല്
മുരള്ച്ചയോടെ
മുഖം കൂര്പ്പിക്കുന്ന
കാട്ടു മൃഗത്തിനെ
പോലെയാണു നീ
വെയില്
മുഖത്ത് വീണാല്
വെയിലിനോടും
കയര്ക്കുന്നവള്
ചിരി മറക്കാത്ത
വിരല് തുമ്പുകളോടും
കൂടും .. കൊത്ത്
ഉള്ളിലുള്ളത്
കാണിക്കുന്ന
കണ്ണിനെയെന്ത് ചെയ്യും
ഇറുക്കി അടക്കുകയല്ലാതെ
ഒന്നെത്തി നോക്കി
തിരികെ ഇരുട്ടിലേക്ക്
കയറുന്ന വന്യജീവി
അടക്കാന് പറ്റാതെ
ആവുമ്പോള്
ഒരു കടുക് മണിയുടെ
അത്രത്തോളം മാത്രം
പുറത്ത് വരുന്ന
ആ.. അതുണ്ടല്ലോ
ഒരു മിനുക്കവുമില്ലാത്ത
ആ ഒരു വാക്കിന്റെ
പാതി,
അത്രയും പാതിയില്
അത്രയും മുഴുവനുമായ
ഒരു വാക്ക് ഞാന് കേട്ടിട്ടേയില്ല
Friday, October 19, 2018
Sunday, October 14, 2018
ഹൃദയം ഏത് രാജ്യമാണ് അല്ലെങ്കിലേത് ദ്വീപ്
എങ്ങോട്ടും പോകാനില്ലായിരുന്നു
അല്ലെങ്കില് തന്നെ അത്രയും
ചെറിയ നഗരത്തില് എത്ര
ദൂരം പോകാനാണ്
പോയ വഴികളുലൂടെ അങ്ങുമിങ്ങും
പിന്നെയും പിന്നെയും
മടുത്തപ്പോള് ഒരു കോഫിഷോപ്പ്
അതിന്റെ ഒന്നാം നില
വെയില് വീഴുന്ന ചില്ലിനരികെ
ഫോട്ടൊ എടുക്കാനുള്ള വിഫലശ്രമങ്ങള്
അവിടെ നിന്നുമിറങ്ങി
നമ്മള് ആദ്യം കണ്ട വഴിയേ
പോകുന്നു
എതോ കുന്നിന്റെ
മുകളില് നിന്ന്
താഴേക്ക് ഓടി പോന്ന
പുഴ പോലെ ഉണ്ടായിരുന്നു
ആ വഴി
വിജനം പക്ഷേ മരങ്ങള്
ഒരാള് അയാള്ക്ക് സാധ്യമാവുന്ന
അത്രയും ഉമ്മ
മറ്റൊരാളെ വക്കുന്നതെപ്പോഴാണ്
ഓടിക്കൊണ്ടിരിക്കുന്ന കാര്
രണ്ട് പേര് മാത്രമുള്ള ദ്വീപാണ്
നമുക്ക് ഒരു പരിചയവും
ഇല്ലാത്ത ഇടം
അങ്ങോട്ട് പോയ വഴി
മറന്ന് പോവുന്നത്രയും
ഉമ്മ വയ്ക്കുന്നു
ഒന്നും പറയാത്ത ഉമ്മ
വെയിലില് പല തുള്ളികളായി
മഴ പെയ്തു.
കുന്നിന്റെ മുകളില്
ചിലപ്പോള് ഇതില് കൂടൂതല്
മഴ പെയ്യുന്നുണ്ടാവുമെന്ന് നീ പറഞ്ഞു
മഴയില് കാഴ്ച മറഞ്ഞിട്ടും
വൈപ്പര് നമ്മള്
ഓണ് ചെയ്യുന്നേയില്ല.
ഉന്മാദങ്ങളെ കെട്ടഴിച്ചു
വിടുന്ന എന്തോ ഒരു മണം
ദ്വീപില് നിറഞ്ഞിരുന്നു
പൊടുന്നനെ വഴി തീരുകയും
ഒരു ടി ജക്ഷനില് നിന്ന്
ഇടത് വശം തിരിഞ്ഞ്
നഗരത്തിലേക്ക്
പോവുകയും ചെയ്തു
നമ്മളപ്പോള് ഒന്നും പറയാത്ത
ഉമ്മകളെ കൈമാറുകയായിരുന്നു
എന്തിനാണ് ഉമ്മ വച്ചതെന്ന് ചോദ്യത്തിനു
ഞാനെന്ത് പറയാനാണ്
തിരികെ വരുമ്പൊള് ഏറെക്കാലമായി
മറന്ന് പോയൊരു പാട്ട്
ആവര്ത്തിച്ച ഫോര്വേര്ഡില്
വന്നു വീണു
i love you,
but you're not mine.♪♫♬♪♫♬♪♫♬
Sunday, October 7, 2018
അത്രം പറഞ്ഞിട്ട് മ്മള് ഒറ്ങ്ങിപ്പോയി
അനക്ക് കീ ഹോള് സര്ജറി ന്താ അറിയ്യാ ?
അറിയാ...ന്നാ പറ ന്താ
മേല് മുറിക്കാണ്ടേ മ്മടെ ഉള്ളി കേറി
കീറി മുറിച്ച് ആവശ്യല്ലാത്തൊക്കെ
എടുത്ത് കളയണ പരിപാട്യല്ലേ
അത്ന്നെ
ഉം.. തന്നെ.. ഒന്നും കാണൂല്ല പൊറത്ത്
ന്നാ ല്ലാം പോയിട്ട്ണ്ടാവും താനും
മ്മക്ക് മ്മടെ ഓര്മ്മ അതോലെ എട്ത്ത്
കളഞ്ഞാലോ
ഒരു സിന്മെണ്ട് അതോലെ
ഒക്കെ മറന്നോം
മ്മള് മിണ്ടീത്
കൊത്ത് കൂടീത്
അന്തോം കുന്തോമ്മ് ല്ലാതെ
സ്നേഹിച്ചത്
ഒക്കെ മറന്നോവൂത്രേ
ശ്വാസോം കെട്ടിപ്പിടിച്ചുറങ്ങീത്
ഒക്കെ മറക്കൂത്രേ
മ്മക്ക് മറന്നോവാ ?
മ്മടെ വര്ത്താനോം തല്ലൂടലും
ഒക്കെ മ്മക്ക് ഒര്ടത്ത് കുയിച്ചിടാ
ന്നിട്ട് ഒരടയാളം വക്കാ
ന്നിറ്റ് മറന്നോവാ..
ഈയും ഞാനും ന്നിട്ട്
രണ്ട് പട്ടാം പൂച്ചിയാവാ
കൊറേ പറന്ന് പറന്ന്
മേലേം താഴേം ആയി
തുള്ളിക്കളിച്ച്ട്ട്
ഒരീസം മരിച്ചോവാ
മ്മടെ വാക്കൊക്കെ
ഭൂമീല് ഇങ്ങനെ
പാറി നടക്കൂ ന്നീട്ട്
പിന്നെ എതോ കാട്ടിലെ
ഏതോ മരത്തിലെ
ആര്ക്കും തൊടാന് പറ്റാത്തെ
തുഞ്ചത്തെ പൂക്കാളാവൂ
നല്ല ചോന്ന പൂക്ക്ള്
അല്ലേ മാണ്ട..മന്ന പൂക്ക്ളായാലാ..
ആ മന്ന മതി
രണ്ട് കൊമ്പിലെ രണ്ട് പൂക്കളായ്ട്ട്
ഒരു കാറ്റ് ങ്ങാന് വരൂല്ലേ
അപ്പൊ മ്മക്ക് പെട്ട്ന്ന്ന്
ഒരുമ്മ വച്ച്ട്ട് കൊഴിഞ്ഞ് പോവാ..
അത്രം പറഞ്ഞിട്ട് മ്മള്
ഒറ്ങ്ങിപ്പോയി
കളി
തൊട്ടാൽ അനങ്ങാതെ
നിൽക്കണം പിന്നെ തൊടും വരെ..
അതാണ് നിയമം.
തൊട്ടു നിർത്തി മറഞ്ഞവരാണ്
ഏറെയും.
ഇപ്പോഴും നിൽക്കുന്നുണ്ടാവണമവർ
ആരുടെയോ വിരൽ നീളുന്നതും കാത്ത്.
ജലം പിന്നെ ആകാശം
മ്മക്കീ രാത്രി
ഭൂമീം ആകാശോം
തല തിരിച്ചു വച്ചാലോ
ന്നിട്ടൊരു ചാട്ടം ചാടാ
ആകാശത്തേക്ക്
നിരന്ന് പരന്ന് കിടക്ക്ണ
നക്ഷത്രങ്ങള്
പെറുക്കി കളിക്കാം
രണ്ട് കുപ്പിഭരണി നിറയെ
കിതച്ച് വിയര്ത്ത്
തളര്ന്ന് ഇരു കൈയ്യും
പിന്നിലേക്ക് കുത്തി
നമുക്ക് ഭൂമി നോക്കിയിരിക്കാം
എന്ത് നീലയെന്ന് പറയാം
പോകും മുമ്പ് ഇത് കൂടെ
എടുക്കുക
ഈ നക്ഷതങ്ങളും കൂടെ
നീലമീനുകള്ക്ക്
കൂട്ടിന്
ജലം പിന്നെ ആകാശം
കഥ
നോക്കൂ എത്ര സാവധാനമാണ്
നിന്നെ വിവര്ത്തനം ചെയ്യുന്നത്
ഓരോ അക്ഷരവും പെറുക്കി പെറുക്കി
പിന്നേയും പിന്നേയും ഒത്ത് നോക്കി
ചിലയിടങ്ങളില് ഉയരുന്ന
യുദ്ധ സംഗീതം
കാൽപ്പെരുമാറ്റങ്ങള്
നിഗൂഡ വാക്കുകള്
എത്ര നീണ്ട വരികളാണ്
കരാർ ലംഘിക്കുന്നത്
കാഞ്ചി വിരലമര്ത്തി നില്ക്കുന്നത്
ചെന്നായ്ക്കളെ കൊന്നൊടുക്കിയ
കഥകള് പറയുന്നത്
ഒരു കൂര്ത്ത വരിയിലെ
വളവ് തിരിയുമ്പൊള്
അമര്ത്തിയ വെടിയൊച്ച
ചിതറിയോട്ടങ്ങള്
അലര്ച്ച ..
ഇനിയും തിരിച്ചറിഞ്ഞിട്ടില്ല
എന്നൊരു ടാഗ് കെട്ടിയ കാല്വിരലുകള്
ഒരേ പോലെ തണുത്ത സ്റ്റീല് മേശയും ഉടലും
അങ്ങനെയാണ് ഒരാള്
ഒരാളുടെ ഒരു വരിയാല്
ഡിലിറ്റ് ആവുന്നത്.
നായാട്ടിന്റെ അടയാളങ്ങള്
ഒന്നുമേ ബാക്കിയില്ലാതെ
അടച്ച മുറികള് പേടിയുള്ള അയാള്
കാല് പാദങ്ങള് മൂടാതെ ഉറങ്ങിരുന്നത്
Friday, October 5, 2018
തീ പിടിക്കുന്നു
ഞങ്ങള് രണ്ട് ദൂര നഗരങ്ങളില്
രണ്ടിടങ്ങളില് പക്ഷേ
ഒരേ ശ്വാസത്തിലാണ്
ഉറങ്ങിയിരുന്നത്
ശരിക്കും അടുത്ത്
ഉണ്ടായിരുന്നെങ്കില് പോലും
നമ്മളിങ്ങനെ ഉറങ്ങുമോയെന്ന്
സംശയമുണ്ട്
അങ്ങനെയാണ് നമ്മളുറങ്ങിയത്
ആഴം എന്ന വാക്ക് നമുക്ക്
വേണ്ടി ഉണ്ടായതാവണം
അത്ര ആഴത്തില്
അത്ര അടുത്ത്
എപ്പോള് ഉറങ്ങിയെന്ന്
പരസ്പരം ചോദിക്കും
എപ്പോഴാണ് ഫോണ് കട്ട് ആയതെന്ന
കണക്കെടുക്കും
അതേയെന്ന് അത്ര ആഴത്തില്
അത്ര അടുത്ത്
ഇനി മിണ്ടാതായാല് എങ്ങനെ
ഉറങ്ങുമെന്ന് നീ/ഞാന് ചോദിക്കുന്നു
ഒരു തൃശൂര് ബസ്സ് പിടിച്ച്
ഇങ്ങോട്ട് പോരേ എന്ന്
ഞാന് പറയുന്നുണ്ട്
നീ ആരോട് മിണ്ടിയാലും
എന്ത് കാണിച്ചാലും എനിക്കൊന്നുമില്ലെന്ന്
വെറുതെ പറയുന്നു
എന്നിട്ട് പിടയ്ക്കുന്നു
രണ്ട് ബിയര് കഴിഞ്ഞ്
ബോധം പോവുമ്പൊള്
ഒരാത്മാവ് അതിന്റെ
അപരജീവിതത്തില് എന്ന പോലെ
നിന്നോടെല്ലാം പറയുന്നു
സ്നേഹിച്ചത് മരിച്ചത്
ഉമ്മ വച്ചത്
കരുണയില്ലാതെ
ഒഴിവാക്കപ്പെട്ടത്
എല്ലാ ബോധവും പോയപ്പോഴാണോ
അതോ തിരികെ വന്നപ്പോഴോ
നിന്നെയൊന്ന് കെട്ടി പിടിച്ചോട്ടെയെന്ന്
ചോദിക്കുന്നു
നീയൊന്നും പറയുന്നില്ല
അല്ലെങ്കിലും നീയൊന്നും
പറയാറില്ലല്ലോ
എനിക്കൊന്ന് കെട്ടി പിടിച്ചാല് മതി
മുറുക്കെ..എല്ലു നുറുങ്ങണം
വേദനിക്കണം ചിലപ്പോഴൊന്ന്
ഉമ്മ വച്ചേക്കാം ..
മുടി പിടിച്ചൊന്ന് വലിച്ച്
വേദനിപ്പിച്ചേക്കാം
ബിയര് പറയുന്നതാണെന്ന്
നീ കളി പറയുന്നുണ്ട്
ഇനിയിപ്പോ എനിക്ക്
അറുപതും നിനക്ക്
നാല്പത്തി അഞ്ചും
ആവുമ്പോഴാവും
ചെലപ്പോ അത് കഴിഞ്ഞ്
മരിച്ച് രണ്ട് നഗരങ്ങളില്
രണ്ട് മണ്ണിനടിയില്
കിടക്കുമ്പോഴാവും
മണ്ണിലടിയിലൂടെ
നൂഴ്ന്ന് വന്ന്
നമ്മള് കെട്ടിപിടിക്കുന്നത്
രണ്ടിടങ്ങളില് പക്ഷേ
ഒരേ ശ്വാസത്തിലാണ്
ഉറങ്ങിയിരുന്നത്
ശരിക്കും അടുത്ത്
ഉണ്ടായിരുന്നെങ്കില് പോലും
നമ്മളിങ്ങനെ ഉറങ്ങുമോയെന്ന്
സംശയമുണ്ട്
അങ്ങനെയാണ് നമ്മളുറങ്ങിയത്
ആഴം എന്ന വാക്ക് നമുക്ക്
വേണ്ടി ഉണ്ടായതാവണം
അത്ര ആഴത്തില്
അത്ര അടുത്ത്
എപ്പോള് ഉറങ്ങിയെന്ന്
പരസ്പരം ചോദിക്കും
എപ്പോഴാണ് ഫോണ് കട്ട് ആയതെന്ന
കണക്കെടുക്കും
അതേയെന്ന് അത്ര ആഴത്തില്
അത്ര അടുത്ത്
ഇനി മിണ്ടാതായാല് എങ്ങനെ
ഉറങ്ങുമെന്ന് നീ/ഞാന് ചോദിക്കുന്നു
ഒരു തൃശൂര് ബസ്സ് പിടിച്ച്
ഇങ്ങോട്ട് പോരേ എന്ന്
ഞാന് പറയുന്നുണ്ട്
നീ ആരോട് മിണ്ടിയാലും
എന്ത് കാണിച്ചാലും എനിക്കൊന്നുമില്ലെന്ന്
വെറുതെ പറയുന്നു
എന്നിട്ട് പിടയ്ക്കുന്നു
രണ്ട് ബിയര് കഴിഞ്ഞ്
ബോധം പോവുമ്പൊള്
ഒരാത്മാവ് അതിന്റെ
അപരജീവിതത്തില് എന്ന പോലെ
നിന്നോടെല്ലാം പറയുന്നു
സ്നേഹിച്ചത് മരിച്ചത്
ഉമ്മ വച്ചത്
കരുണയില്ലാതെ
ഒഴിവാക്കപ്പെട്ടത്
എല്ലാ ബോധവും പോയപ്പോഴാണോ
അതോ തിരികെ വന്നപ്പോഴോ
നിന്നെയൊന്ന് കെട്ടി പിടിച്ചോട്ടെയെന്ന്
ചോദിക്കുന്നു
നീയൊന്നും പറയുന്നില്ല
അല്ലെങ്കിലും നീയൊന്നും
പറയാറില്ലല്ലോ
എനിക്കൊന്ന് കെട്ടി പിടിച്ചാല് മതി
മുറുക്കെ..എല്ലു നുറുങ്ങണം
വേദനിക്കണം ചിലപ്പോഴൊന്ന്
ഉമ്മ വച്ചേക്കാം ..
മുടി പിടിച്ചൊന്ന് വലിച്ച്
വേദനിപ്പിച്ചേക്കാം
ബിയര് പറയുന്നതാണെന്ന്
നീ കളി പറയുന്നുണ്ട്
ഇനിയിപ്പോ എനിക്ക്
അറുപതും നിനക്ക്
നാല്പത്തി അഞ്ചും
ആവുമ്പോഴാവും
ചെലപ്പോ അത് കഴിഞ്ഞ്
മരിച്ച് രണ്ട് നഗരങ്ങളില്
രണ്ട് മണ്ണിനടിയില്
കിടക്കുമ്പോഴാവും
മണ്ണിലടിയിലൂടെ
നൂഴ്ന്ന് വന്ന്
നമ്മള് കെട്ടിപിടിക്കുന്നത്
Subscribe to:
Posts (Atom)
മടുക്കും വരെ നമുക്ക് മിണ്ടാതിരിക്കാം
1. തണുത്തുറഞ്ഞ കടലില് പൊങ്ങിക്കിടക്കുന്ന നഗരമായിരുന്നത് വര്ഷം മുഴുവനും എന്നേക്കുമെന്നേ ക്കും അതങ്ങനെ കിടന്നു ചെവിയോര്ത്താല് കേള്ക്കാവ...
-
നമുക്ക് ഏറ്റവും പ്രിയമുള്ളൊരാളുടെ കൈ വിരല് ആള്ക്കൂട്ടത്തില് വിട്ടിട്ടുണ്ടോ ഏറ്റവും പ്രിയമുള്ളൊരാളുടെ പിന്നില് നിന്ന് അത്രയുമാ...
-
വര്ഷങ്ങളായി പൂട്ടി കിടക്കുന്ന വീടിന്റെ മണമാണ് നിനക്കിപ്പോള് നിന്റെ മുറി മുഷിഞ്ഞ ദിവസങ്ങള് വലിച്ചെറിഞ്ഞ അടിയുടുപ്പുകള് ധരിച്ച ദിവസങ്ങള്...
-
ഒട്ടിക്കുകയും മുഷിയുമ്പോള് പറിച്ച് മാറ്റിയൊട്ടിക്കുകയും ചെയ്യുന്ന ബാന്ഡ് ഐഡുകളാവുന്നു നാം പരസ്പരം .. ഒരു മുള്ക്കാട് കടക്കുമ്പോള് ...